الغزال العنيد مشرف
عدد الرسائل : 155 Localisation : AD تاريخ التسجيل : 06/08/2007
| موضوع: سلوم وأبوه... الإثنين أغسطس 06, 2007 5:09 am | |
|
قال سلوم ذات يوم لأبيه متسائلاً : مايصير أبويه نشتري بيت في القمر ؟
الأب : يصير أبويه بس ماشي فلوس ؟
سلوم : بكم يعني بميه ؟
الأب : هيه أمية مليون ؟
سلوم : عثره !! صدقك ولا تمزح ..
الأب : لا صدق ..
سلوم : الله يقطع مدير البلديه الخلافه ..((مادري شو يخص مدير البلديه ((
الأب :شحقه تسأل إنته ؟ ماتباها بوظبي ؟ ولا هب عايبنك بيتنا هذا ؟
سلوم : لا أبويه بس الزلمه اللي عدال بيتنا ماخذين بيت في راس يبل في فرنسا عاد قلت أنا لازم أيي من معاليه لازم أوايق عليه من فوق وماشي فوق اليبل غير القمر ..
الأب : منو قالك أنه زلمه هذا مواطن .. جوازه نفس لون جوازك .. خلاص مافيه فرق ..
سلوم : يخسي .. زلمه مايعرف يرمس ..
الأب : لو كل واحد مايعرف يرمس هب مواطن شعب الإمارات مايتعدى عشرة آلاف ياولديه .. بعدين مع الوقت بيتعلمون الرمسه وبيغدون شراتنا ..
سلوم :يعني نحن كنا زلمات أبويه ؟
الأب :تهبي يا السبال ..
سلوم :وين ما فيه فرق ونفس اللون الحين تهبي ..
الأب :مهما كان يدّك السابع عشر مدفون هنيه ..
سلوم :والزلمه يدّه السابع عشر مدفون وين ؟
الأب :في غزه الله يرحمه ..
سلوم :بس هو عنده فلوس وايد وأنته زطي ..
الأب :عادي شو المشكله .. أهم شي الأصل ..
سلوم :عنده بورش عليها كت هامان .. وأنته ذبحتنا بالنيسان موديل 99 وحاط عليه Vtc ..
الأب :فيه مكيف ورا ولا مافيه ..؟؟
سلوم :فيه ..
الأب : بس جب عيل ..
سلوم:يلبس باشوتي أنته تلبس نورس ..
الأب :شو دراك أنه أصلي يمكن يكون تقليد ..
سلوم:يدوخ دوفي دوف إنته تدوخ مدواخ ..
الأب :وده هو يدوخ مدواخ لو يروم له جان داخ .. يباله رياييل ..
سلوم :أنزين أبويه نبا نسافر ملينا كل صيف تودينا ليوا نسوي برونزاج ونرد ..
الأب :وين تبا تسافر يعني ؟؟
سلوم :جنيف , باريس , لندن .. مكان حي ذا الويه .. يتشاهد ..
هب ليوا شهيق وزفير لاهوب وعي ..
الأب :أنا من زمان بعد أفكر أوديكم صلاله بس أمك الله يهديها معانده ماتبا تخسرني أونها ..
سلوم :أبويه حرام عليك .. أقولك باريس تقولي صلاله ؟
الأب :كيف باريس هب ف عمان ؟
سلوم :لا أبويه باريس في زنجبار ..
الأب :أنزين وين عنها تراها ألا حولها ..
سلوم :أنزين أبويه أبا سياره ..
الأب : شبلاه الكلوزر ؟؟
سلوم :كسّر ظهريه .. شبلاه بعد .. هذي سيارة طالب في محو الأميه هب في الثانويه ..
الأب : أييييييه .. يوم أنا كبرك .. أسوق الدناكر الكبار والبد فرت عشره غيار وأنته هذا غالبنك لاتسوقه ..
سلوم : عادي عادي غالبني .. أنته الرجل الحديدي .. أنا ولد الماما .. خذ لي سياره ..
الأب :شو تبا من السيايير ؟
سلوم :سياره رخيصه وزينه وحلوه وإقتصاديه في البترول وفور ويل ..
الأب :إنته تبا سياره ولا تبا تسويلها دعايه !!
سلوم :لازم أمهد عشان ماتنصدم ..
الأب :لا من ناحية الصدمات متعود ...
سلوم :أبا رنج سبورت ..
الأب :بس ؟؟
سلوم :هيه بس والله العظيم وراس أمي وراسك أنه بس ..
الأب :أشوفه هب لين هناك .. شو رايك ناخذ الفراري الإنزو اليديده ..
سلوم :لاحرام أبويه وايد غاليه ..
الأب :أونك تدور الرخص يوم تبا الرنج إنته ..
سلوم :لا بس سعر معقول ..
الأب :تدري لو نبيع البوش والهوش وأمك مايمعنا فلوسه هذا ..
سلوم :شمعنى طريت أمي معاهن يعني ؟
الأب : نفس الفصيله ..
سلوم : يعني أنا ولد العنز ..
الأب :قصدك أنا تيس ياحيوان ؟
...................... | |
|
Admin Admin
عدد الرسائل : 478 العمر : 33 Localisation : UAE تاريخ التسجيل : 19/03/2007
| موضوع: رد: سلوم وأبوه... الإثنين أغسطس 06, 2007 12:07 pm | |
| ههههههههههههههههههههه ههههههههههههههههههههه ههههههههههههههههههههه
ثانكيووو ثانكيوو .. ويعطيج او يعطيك العافية ..
:p | |
|
الغزال العنيد مشرف
عدد الرسائل : 155 Localisation : AD تاريخ التسجيل : 06/08/2007
| موضوع: رد: سلوم وأبوه... الثلاثاء أغسطس 07, 2007 10:56 am | |
| الله يعافيج
ويعلها ضحكة دايمة | |
|
ريم الظفرة
عدد الرسائل : 35 تاريخ التسجيل : 06/08/2007
| موضوع: رد: سلوم وأبوه... الأحد أغسطس 19, 2007 10:01 am | |
| تسلمين الغزال العنيد على هالوناسة ... لا خلا ولا عدم .... | |
|
الغزال العنيد مشرف
عدد الرسائل : 155 Localisation : AD تاريخ التسجيل : 06/08/2007
| موضوع: رد: سلوم وأبوه... الإثنين أغسطس 20, 2007 2:32 am | |
| ربي يسلمج الريم
وأشكرج على هالتواصل
| |
|
راعي ليوا
عدد الرسائل : 8 تاريخ التسجيل : 22/08/2007
| موضوع: رد: سلوم وأبوه... الأربعاء أغسطس 22, 2007 11:32 am | |
| تسلمين على الموضوع سلوم وابوه | |
|
maryam مشرف
عدد الرسائل : 187 العمر : 36 تاريخ التسجيل : 12/05/2007
| موضوع: رد: سلوم وأبوه... الأربعاء أغسطس 22, 2007 12:25 pm | |
| رمستهم و سوالفهم تظحك ثااااااانكس فرفشتينا شويه!!!!!!!!!!!!!! | |
|
الغزال العنيد مشرف
عدد الرسائل : 155 Localisation : AD تاريخ التسجيل : 06/08/2007
| موضوع: رد: سلوم وأبوه... الخميس أغسطس 23, 2007 5:10 am | |
|
راعي ليوا
تسلم يا خوي على المرور الطيب
maryam
تسلمين الغلا على المرور... وان شاء الله دوومج مفرفشة ^_*
| |
|